關心妍22歲首賺百萬

1.你認為自己現時財富屬於哪一級？

(分五等級：優、良、常、可、劣)

答：我覺得自己現時財富屬於良嗰種。

2.你試過最貧窮是何時？當時情況是怎樣？

答：○四年尾，嗰時因為同舊唱片公司有啲唔開心，我冇工開、冇騷做、連出街嘅錢都冇。

3.你試過最富有是何時？當時情況是怎樣？

答：依家囉，滿足囉，心靈滿足最緊要。

4.每月的收入中，儲蓄、投資及消費分別佔多少？

答：我嘅收入唔太穩定，儲蓄就經常都有，投資就一年幾次，消費就唔定，冇一定嘅數字。

5.金錢對你的重要程度？

(分五級：極重要、很重要、重要、不重要、絕不重要)

答：金錢對我嚟講都重要嘅。

6.你每月開支平均大約多少？

答：每月開支約五位數字。

7.你現時身上帶有多少現金？

答：我平時出街都只係帶幾千蚊喺身。

8.你從何時開始儲蓄？

答：我十三歲就開始儲蓄o架嘞。

9.你擁有多少個銀行戶口？

答：我約有四個銀行戶口。

10.你幾多歲賺到首個一百萬？

答：大約二十二歲左右，因為我嗰時拍好多廣告。

11.你現時共擁有多少張信用卡？

答：大約五張信用卡。

12.當中最大的信用限額是多少？

答：信用限額有幾十萬。

13.第一次買樓時你幾多歲？

答：我係二十四歲買樓。

14.過往你有否投資過物業？結果是怎樣？

答：有投資過物業，都有錢賺。

15.你有否投資股票或基金？

答：我都有投資股票或基金。

16.主要投資哪一類的股票？為甚麼？

答：我主要投資藍籌，因為感覺穩陣啲。

17.港股在每日何時開市？

答：據我所知港股每日喺早上九時半開市。(對！)

18.總括而言，你投資股票是賺、打和還是蝕？

答：多數都係賺。

19.你有否投資外匯或擁有外幣戶口？

答：我有投資外匯。

20.現時最看好哪一個國家的貨幣？為甚麼？

答：我最睇好人民幣，因為中國商機無限。

21.你打算何時退休？

答：退休？梗係愈快愈好啦。

22.你認為至少要擁有多少儲蓄才可安心退休？

答：我覺得有1億就可以安心退休。

23.你可曾創業？若有，結果是怎樣？

答：我冇試過創業。

24.可以分享一條絕世的發達妙計嗎?

答：我嘅絕世發達妙計就係努力工作，儲錢買樓。

個人資料

名稱 ：關心妍

年齡 ：32

職業 ：歌手