市場徐想:奧思集團息高夠吸引

Prof.J預先祝賀大家新年發財!賺過盆滿缽滿!今時今日,化妝護膚差唔多可以話係女士們嘅必需品,大家行街時絕對可以見到周圍都係呢類型嘅店舖。化妝護膚有一樣特性,無論天南地北,都會有女士幫襯,大家同意唔同意?

奧思集團(01161)業務遍布香港、澳門、台灣、中國內地同新加坡,主要業務係分銷~H2O+品牌護膚品、喺中國內地分銷伊夫黎雪品牌護膚品、喺香港分銷Erno Laszlo品牌護膚品、Glycel品牌護膚品同喺內地分銷JM Makeup品牌化妝品,其中~H2O+係主要收入來源!

集團同時有附屬公司,喺香港以「水之屋」、「水磨坊」、「水纖屋」、「Oasis Homme」及「奧思醫學美容中心」品牌經營水療同美容中心,順便銷售埋自己堆護膚品,完全係一站式嘅專業美容服務。

睇番數據,集團息率有7厘,市盈率14.17倍,勝在便宜。繼續追蹤、出發!

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

港大電子金融服務榮譽助理教授徐燦傑