魚缸Blogger：寶信汽車有力再升
中港兩地股市前日狂飆過後，尋日港股再微升59點收市，成交仍有647億元，上升動力未減，長假期前續睇2萬點。
半新股尋日接力追落後，其中獲摩笛唱好嘅寶信汽車（01293）更曾創上市新高。事實上，眼見主要賣寶馬嘅華晨（01114）賺到盆滿缽滿，作為內地寶馬主要經銷商之一嘅寶信，○八至一○年嘅純利複合年增長率就高達131%，而舊年上半年純利亦有逾57%的升幅，至2.04億元人仔，而集團管理層亦睇好今年內地豪華汽車銷量會有四成增長，所以計劃年內加開14家分店以提升盈利能力。寶信現價離招股價只有約5毫子距離，博其破位後再升一浸，跟進阻力睇9蚊。
寶信汽車（01293）
阻力位：9.0元
支持位：7.6元