魚缸Blogger：一拖憧憬政策扶持
溫總出口術撐A股，刺激港股尋日絕地反擊，拗腰倒升272點收市。不過，阿爺救市消息時真時假，都係追入受惠國策嘅股份較上算。
內地農業機械龍頭第一拖拉機（00038），尋日喺回歸A股嘅消息帶動下升逾8%。作為港股唯一嘅農業機械股，一拖股價早前已受惠今年內地第一批農機購置補貼按年增逾24%，加上憧憬扶農指標性更強嘅「一號文件」快將出台，而全國金融工作會議閉幕後，多個受惠行業又陸續揭曉，關乎全國近六成人口生計嘅農業亦不難或快有扶持政策公布。一拖尋日一舉收復三條主要移動平均線，走勢凌厲，下站阻力可睇8蚊。
