魚缸Blogger：民行醞釀突破旗形
石油石化股上周飛升，家電股亦有好表現，本周西班牙同意大利將拍債，股市難免波動，穩陣起見可吼同樣獲阿爺眷顧嘅內銀股，當中盈利能力強勁嘅民行（01988）會係短炒佳選。
民行舊年頭三季純利按年大增64%，第三季按年亦急飆逾八成，增幅冠絕內銀股。近日消息指該行計劃喺新年前發行500億元人仔債以支持小微企業貸款，加上針對中小企貸款嘅「商貸通」業務發展漸見成熟，民行今年要維持高增長應該無難度，而最近國家隊增持個別內銀股同人行停發央票嘅消息亦有利板塊氣氛。民行近日喺20日線暫見喘定後，醞釀向上突破旗形，阻力位先睇7元。
民行（01988）
阻力位：7.0元
支持位：6.5元