市場徐想：紙品股市場需求持續
錦勝集團（00794）主要業務係生產同銷售瓦楞紙板及紙製包裝產品，同埋生產及銷售柯式印刷瓦楞產品。中國仍處高速工業發展時代，無論外銷內需，對紙製包裝產品嘅需求有增無減。集團去年着眼中國國內市場發展，銷售收益增加52%。內地付運出口同直接出口產生之銷售收益亦分別增加約41.4%同約33%。
集團仍積極擴大銷售網絡，配合深圳以外地區日漸增加嘅需求。中國嘅發展已由重點城市逐步擴至其他城市，集團嘅發展方略亦符合呢個趨勢。集團為提升管理質素，收購咗江西省嘅生產廠房協升紙業51%權益，令產能提升咗約20%。
99另外，集團亦簽訂合營協議，可以打入福建，銷售同製造瓦楞紙板及紙製包裝產品。集團同時提供增值服務，透過爭取著名品牌作為新客戶，用嚟提升集團嘅客戶基礎。
睇番數據，集團市盈率三十倍，息率1.1厘。近兩個月受到基金追捧，搶高股價，表現優於大市。