魚缸Blogger：第一太平動力轉強
外圍傳來西班牙同匈牙利或者需要財政援助，港股尋日亦因而牛皮悶局，升86點，繼續收喺50日線樓下。相比起歐美，東南亞近年經濟可算係穩步增長，難怪扎根菲律賓同印尼嘅第一太平（00142），近月股價亦持續走強。
一太主營基建、電訊、天然氣同食品業務，舊年上半年純利按年增長16.3%，至2.19億美元，而集團亦計劃競投馬尼拉國際機場嘅營運權，以進一步擴潤盈利來源，面對日益嚴峻嘅歐債危機，一太可視為今年波動市中嘅穩健之選。其股價尋日裂口高開後喺高位徘徊，14日RSI動力亦轉強，可待股價回守8.6元作部署，阻力挑戰前高位9.5元。
第一太平（00142）
阻力位：9.5元
支持位：8.4元