魚缸Blogger:中信証券走勢喘定
新年伊始,暴炒男先祝各位股友今年炒股路上得心應手!假期前港股僅以微升收市,惟內地股市近周表現可人,滬綜指已連升三日,所以今年第一隻出擊股份可揀中信証券(06030)。
以資產同收入計,中信証券係內地最大投資銀行,而公司近半盈利來自經紀業務,雖然滬綜指一一年累跌近兩成二,但近周喺2,140點水平似乎已經跌唔落,加上14日RSI仍處37嘅超賣區,指數有條件進一步反彈,中信証券自然直接受惠。同時,中信証券旗下子公司中信證券國際已獲取RQFII資格,長遠而言亦為公司業務增添多一樣瓣數。中信証券上周暫喺12元關附近喘定,阻力可先睇13.7元。
中信証券(06030)
阻力位:13.7元
支持位:12.0元