市場徐想：置富產業收購利好

近日周圍去時，不忘行吓商場，發覺管理得好嘅商場，商店門面、服務各樣嘢，畀人嘅感覺都好好多！置富產業信託（00778）主要業務係投資控股，佢持有嘅附屬公司主要投資於香港嘅一系列零售商場。最近集團新收購嘅麗城花園物業同和富中心物業，都十分具有資產增值潛力。最重要係，對比起集團現有嘅業務，呢次收購有助提升整體回報率同派息，有助支持股價上升。

截至一○年底，公司共有1,017名租戶，十大租戶佔物業組合租金收入總額約23.9%，佔已出租總面積約21.8%，又唔算好多，所以其租金收入結構都好穩健。公司於一○年度表現突出，同期間香港零售亦持續增長，主要係受內地同胞來港消費所帶動。除咗保持高水平嘅出租率同可觀嘅租金水平外，近日公司對麗城花園物業同和富中心物業嘅收購行動，亦有助進一步改良公司嘅盈利能力同資本結構！

公司市盈率約三倍，息率6.4厘左右，一○年度盈利上升81.4%。