短炒倉：中航工業 異動跟進

過幾日就係聖誕節，跟住下星期就輪到元旦，用「無心戀戰」四個字，足以概括昨日市況，全日成交縮到400億唔夠，戰友喺金魚缸碰面，唔係問有乜股票好買，而係問做乜仲坐喺度？

講到尋日較搶鏡嘅股份，有抽高一成的湖南有色（02626），主要係母公司五礦增持兼憧憬注資，而同樣具重組注資概念的中航工業（00232），亦錄得3.3%升幅，收報0.249元。

之前筆者介紹中航工業時，曾指其主營業務既非航空，亦非工業，而是電力及蒸氣業務，佔去年度幾乎全部營業額來源，但上月初連這業務亦以3.5億元出售後，集團變成只持有約25%中油潔能（00260）股權和約5.6億元現金。至於新業務方面，雖然九月時斥資700萬人仔購入浙江紡織商51％股權，但看來不似是未來主力方向。

集團截至六月底止資產淨值26.95億元，目前市值11.28億，折讓58%，到底母公司中航集團未來打算如何處置中航工業，目前看來注入資產、重組還是私有化都有可能，昨日股價異動逆市抽升，不排除有後續動作，跟進可上望上月高位0.305元，支持位睇0.235元。

中航工業（00232）

阻力位：0.305元

支持位：0.235元