魚缸Blogger:湖南有色蓄勢破阻力
雖然市場睇淡嘅聲音此起彼落,但仍有部分資金憧憬阿爺減RRR,令大市尋日走勢繼續膠着。暴炒男記得九月底叫大家留意湖南有色(02626),結果唔夠半個月即抽高逾兩成至2.31元,該股尋日再見異動,睇嚟又係時候走番轉。
湖南有色尋日喺母公司五礦集團增持消息下急升逾9%,事實上自五礦集團入主以來,市場已憧憬公司將獲注入資產,加上公司主營嘅鎢同鉍業務,將受惠內地有色金屬行業嘅「十二五」規劃,而近日市場屢有企業購併、資產整合消息,不排除湖南有色亦有後續消息跟尾。湖南有色尋日一度衝破三底頸線阻力2.31元,若確認叩關成功,阻力位可睇2.6元。
湖南有色(02626)
阻力位:2.6元
支持位:2.2元