市場徐想：必瘦站瞄準內地市場
講番呢排個市，新股密密出擊，繼彤叔隻周大福（01929）後，跟住又即將嚟個必瘦站（01830）。
睇番必瘦站嘅招股文件，公司平均每年用130萬聘請代言人，而集團○九年收到過百宗由消委會提出嘅投訴，一○年就收到74宗，總額約840萬元。公司願意賠償，主要因為自己品牌緊要。集團亦承認自己有被客戶投訴，主要可能因為產品推銷手法方面過硬，不過投訴嘅客戶只佔公司嘅活躍會員總數0.03至0.47%，呢個數目又唔算多，佔活躍會員數0.5%唔夠，咁佔總會員數就自然更少啦。
公司集資目的，主要想開拓內地纖體市場；公司計劃喺一五年三月前，喺內地起多106間新服務中心，其中78間係一線城市。照咁睇嚟內地市場會員都幾多，發展空間唔細。集團集資額介乎2億至4億元，大概喺月中招股月底掛牌，保薦人係光大證券，大家密切留意！