魚缸Blogger：華晨盈利增添動力
歐盟峰會曲終人散，但估唔到尋日對港股嘅提振作用只有幾粒鐘，大市最終出現單日轉向，倒跌10點，收報18,575點。雖然今年來內地汽車銷售數據令人失望，但由於農曆新年喺出年一月尾，較往年來得早，所以今個月內地車市特別係高檔車可望迎來一個小陽春。
華晨（01114）藉住旗下寶馬轎車大賣，近年股價嘅爆發力都較其他車股強勁，加上近日宣布將出口寶馬5系轎車至海外，而當中嘅目標市場亦選擇喺較不受歐債危機影響嘅中東同亞洲，相信未來可為集團盈利注入新嘅增長動力。近月華晨股價每跌近中期上升通道底部後就屢見承接，不妨喺區間下方範圍部署。
華晨（01114）
阻力位：9.0元
支持位：8.1元