魚缸Blogger：美聯憧憬樓市解凍
雖然歐央行一如預期減息0.25厘，但德國大潑冷水，話今晚歐峰會未必達成解決協議。外圍消息時好時壞，所以炒股最緊要靈活。財爺尋日表示，可能會放鬆樓控措施，雖然有人話係朝令夕改，但無論點都好，對本地地產代理行業嚟講就一定係好消息，龍頭美聯集團（01200）可以𥄫實。
雖然財爺尋日嘅言論姿態高於實際，但不排除港府或會跟隨外圍同祖國近日嘅放水行動，稍為調整偏緊嘅樓控政策，加上近月各大發展商催谷嘅一手樓銷售將進入尾聲，有助資金回流二手樓市場，對二手樓市交投應帶來一定支持。美聯尋日一舉衝穿六月以來嘅延伸降軌阻力，銳不可當，下站阻力睇4.65元。
美聯集團（01200）
阻力位：4.65元
支持位：4.00元