魚缸Blogger：中國光纖有力再升
表面上標普窮追猛打，尋日將EFSF納入負面觀察名單，但實情係用心良苦，只係想逼歐洲班大佬傾掂數，而市場亦因為咁會更加相信歐峰會將有好消息，所以後市唔使睇得太灰。
「光進銅退」、提升寬帶網絡速度，已成為內地大趨勢，而近日中電信（00728）同聯通（00762）表示大幅提升光纖接入普及率，就刺激內地光纖活動連接器龍頭生產商中國光纖（03777）股價抽升多日。現時中國光纖主要客戶為內地三大電訊商，喺預期一五年實現「三網融合」下，集團舊年嘅產能使用率已達131%，定單接到手軟。中國光纖尋日衝破圓底頸線阻力後，照計應有力再上，阻力睇上市高位1.32元。
中國光纖（03777）
阻力位：1.32元
支持位：1.10元