魚缸Blogger:華能國際睇位翻兜
歐盟本周將舉行峰會討論區內債務危機,觀乎多國央行上周齊心放水,救市行動或陸續有來,手上有閒錢不妨小注入場。
暴炒男上月初曾經叫股友留意華能國際(00902),當時加電費消息仲未公布,華能隨後已衝高至4.31元先回落,而該股近日回調至橫行區間低位,又係時候炒番轉。發改委早前宣布,今個月起將內地工商業用戶嘅銷售電價每千瓦時上調0.03元人民幣,並為煤價封頂,規定煤企出年嘅合同煤價升幅不可超過5%,種種新規定都令華能嘅盈利前景改善。
華能上周五喺低位開出待變十字星,有利營造雙底反彈形態,翻兜阻力位先睇4.31元,支持位3.8元。
華能國際(00902)
阻力位:4.31元
支持位:3.80元