魚缸Blogger：中交建具炒上誘因
如果純睇走勢，恒指的確重返10日線樓上，但股友唔好忘記尋日係期指結算日，大戶轉倉活動始終為升市帶來水分，而美國評級展望被降、法國評級亦危危乎，都為後市增添隱憂。
落後股輪流炒，尋日輪到中交建（01800）。集團除咗經營受列車追撞事故陰霾影響嘅鐵路業務外，其餘基建建設、裝備製造同疏浚等業務佔咗九成生意額，而今年頭三季純利亦交足功課，按年大升五成至80億元人民幣，加上尋日獲大和唱好，而集團A股又獲批上市，短期內仍有炒上誘因。中交建尋日成交配合下升逾4%，正營造島型底反彈，阻力先睇6蚊關，支持5.3元。
中交建（01800）
阻力位：6.0元
支持位：5.3元