魚缸Blogger：東氣爆發力勝一籌
上周五港股主板成交實在少得可憐，但從另一角度睇，其實淡友再沽落去已經無乜肉食，反而有利投機性跟進博反彈。近期興翻兜國策股，除電力股外，上游嘅電力設備股亦可留意。
市況淡靜，出年恢復審批核電新項目、即將頒布101項核電標準嘅憧憬又再傳個熱烘烘，其中以高增長為賣點嘅東方電氣（01072），今年頭九個月純利按年增33.5%至22.78億元（人民幣．下同），手頭定單更高達1,500億元，一旦有關憧憬成真，而內地各類電力設備嘅需求又持續龐大，東氣嘅盈利增長將有強勁嘅爆發力。東氣近日喺低位初步站穩陣腳後，正醞釀反彈，阻力位先睇24.5港元，支持21港元。
東方電氣（01072）
阻力位：24.5元
支持位：21.0元