魚缸Blogger：大唐發電蓄勢突破
尋晚美股無市，造就港股現技術性反彈，電力股更喺加電費憧憬下一哄而上，普遍有半成升幅。今晚美股只得半日市，相信大市氣氛亦會淡靜居多，不妨冷吼電力股博破位再上。
大唐發電（00991）PE得十倍，係四大電力股中最低。雖然只聞樓梯響嘅階梯電價同加電費仲未知幾時落實，但喺內地通脹回落、今冬明春電力缺口達4,000萬千瓦、煤價上漲同出年一月一日火電廠排放新標準實施嘅大環境下，電費上調嘅迫切性只會愈來愈大，一日未落實，電力股都會係長炒長有。大唐發電尋日喺資金追捧下蠢蠢欲動，力圖突破橫行區阻力，阻力位先睇2.75元，支持2.35元。
大唐發電（00991）
阻力位：2.75元
支持位：2.35元