「套息」投資可吼高息股

講到用貸款做「套息」投資，套息嘅定義大家想必清楚，就係借入低息嘅款項，再買入高息嘅金融工具。套息即係大家借咗低息貸款嚟買一堆較高息嘅金融產品，從中賺取息差。最重要嘅係，大家個計劃入面要考慮貸款嘅到期日，同埋堆金融產品嘅到期日。

窩輪牛熊證不宜沾手

一般嚟講，大家借咗錢之後，假如第一階段欠款到期，係可以再借過嘅，只要大家提供足夠嘅入息證明就可以。至於金融工具方面，大家一樣可以買完一隻又換一隻。不過以基金部署嘅套息活動而言，由於年結關係，好多時考慮嘅產品都會係以「一年期套息」為主；倘若貸款同投資嘅到期日互相唔配合，基金經理通常係對套息產品嘅價格波動有某個睇法，先會諗住除咗套取定息之外，再食埋價差。

套息產品方面，由於所得嘅金錢係由貸款而嚟，一般是高風險衍生工具組合，例如窩輪牛熊證，實在不宜沾手。

另一方面，大家或者可以考慮高息股，市面上亦有好多股票每年股息達10厘或以上。如果一隻高息股，派息穩定，每年向大家發放一定利息，大家自己將貸款利率減股利之後仍有錢落袋，就係一個成功嘅套息活動。

高息股唔代表唔會跌，不過學術研究早有指，高息股由於有利息支撐，抗跌力強過一般股票！大家都知道，高息股仍然係股票，風險含量較債券高，呢點大家要留意。