魚缸Blogger：盈德氣體守穩升軌
港股萬八關前喘定，但10日線向下迫近50日線，加上消息指美削赤方案或反枱收場，刻下大市前無去路、後有追兵，惟有逢低小注博反彈，當中可吼大摩MSCI國指新貴盈德氣體（02168）。
同其他燃氣股一樣，盈德具備行業整合、國策扶持同業務穩陣等利好因素，惟其最大嘅優勢係作為內地最大嘅獨立現場工業氣體供應商，客戶主要為鋼鐵工業用戶，供氣合約一般長達十五至三十年，有效鎖定利潤。盈德今年上半年嘅總裝機容量按年大升73%，至每小時78.3萬標準立方米。圖表方面，盈德尋日守穩升軌支持後逆市升逾3%，收復10日同20日線，首站阻力先睇8.65元，支持喺8蚊。
盈德氣體（02168）
阻力位：8.65元
支持位：8.00元