魚缸Blogger：大成糖業強勢初現
內地上月CPI回落，好友乘勢收復兩萬關，惟大笨象（00005）第三季核心稅前盈利倒退逾三成，大市短線或回到兩萬點樓下。
主要產銷玉米提煉產品同甜味劑嘅大成糖業（03889），今年上半年純利同比大增62%，至1.02億元。公司目前逾九成產品以內地市場為主，加上糖為必需品，較少受到經濟周期影響，而大成主要原材料玉米又喺內地採購，如今內地通脹稍見受控，原材料價格可望回落，大成可謂佔盡天時地利人和。
大成尋日成交暴增下衝穿保力加通道頂部阻力，並開出黃金交叉嘅利好訊號，照計唔會得一日貨仔咁短癮，如完成後抽並守穩1蚊關，阻力位可睇1.24元。
大成糖業（03889）
阻力位：1.24元
支持位：1.00元