魚缸Blogger：富士康可重新睇好
雖然富士康（02038）上季被剔出藍籌股之列，而大客仔諾基亞亦早已失去手機界一哥嘅寶座，但始終爛船也有三斤釘，諾基亞上季智能手機市佔率仍穩坐第三把交椅，僅較蘋果公司少0.2個百分點。
諾基亞主打搶佔智能手機市場嘅首部windows軟件智能手機Lumia亦喺上個禮拜首次登場，加上富士康本身致力推動機械化以減成本，而另一主要客仔華為喺內地嘅市佔率又持續上升，標榜代工產品價廉物美嘅富士康可重新睇好，不妨待股價回調並確認保力加通道中軸5.07元支持後，再作部署，主要阻力喺5.62元。