渣甸山屋大客拗手瓜

近幾個月樓市比較呆滯,搞到有唔少喺舊年額外印花稅前入市嘅買家,都要賺少少就離場,不過,罕有嘅港島獨立屋就另作別論,好似舊年年中同何東家族後人買入渣甸山谷柏道19號洋房嘅買家,依家以招標方式放賣,意向價約5.6億元。

若果成功以意向價賣出,比買入價高出六成個項目到依家有約莫十組買家睇過,當中更包括有富豪榜名人,而有五組買家已表示有興趣。第一太平戴維斯投資部鄭漢華同劉Sir講,港島獨立屋供應一向緊絀,唔少富豪買入之後都唔會轉手,所以依家港島獨立屋供應可謂買少見少。

何東家族後人舊年沽

而今次招標出售嘅谷柏道19號,屬兩層高設計,佔地約16,360方呎,除咗單邊之外,仲可以鳥瞰維港夜景,業主意向價約5.6億元,以該洋房最高可建樓面約9,816方呎計,呎價約5.7萬元,項目喺十一月十五日截標。

谷柏道19號樓齡超過五十年,洋房面積約9,400多方呎,入面有6個睡房,而大宅除咗有約1.1萬方呎花園外,天台花園亦連有泳池,另外仲有警衞室同車房等。

劉Sir記得,大宅原本係何東家族後人持有,舊年年中以3.5億元賣出,原業主揸咗七年多帳面勁賺近2.9億元,不過,如果揸到依家先賣,肯定可以賺多好多,至於依家業主背景好神秘,當時透過海外公司買入,市場曾經有傳聞有內地資金背景。

超豪宅多由內資追入

渣甸山獨立屋交投一向唔多,近幾個月只有兩幢獨立屋賣出,成交呎價亦一浪高過一浪,依家最高呎價紀錄保持者係白建時道16號,該洋房原由米商家族持有,今年中以5億元賣出,每方呎樓面地價約5.98萬元,買家據聞係內地富豪。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

渣甸山谷柏道19號為一幢兩層高洋房,每層空間寬敞。

谷柏道19號花園佔地約1.1萬方呎。

洋房設有大睡房,空間感十足。

第一太平戴維斯投資部鄭漢華(右)表示,物業位處單邊,可以鳥瞰維港夜景。