魚缸Blogger：維奧順風車唔怕搭
雖然恒指昨日收市失守20日線，期指亦轉炒低水，但只要今日後抽幅度唔大，醞釀頭肩底反彈嘅形態仲有得諗。
維奧（01164）自今年四月獲內地第二大核電企業中國廣東核電集團入主以來，就一直熱炒注資概念，公司尋日又有新消息，宣布與同系公司中國鈾業發展磋商買賣天然鈾物料嘅潛在交易，而母公司近日亦提出收購英國鈾礦商，種種舉動，加深了維奧獲注資嘅憧憬，再加埋市傳內地核電建設將會喺明年鬆綁，好有可能獲注入鈾業務嘅維奧，自然大大受惠。
雖然維奧今個禮拜已升咗六成，但趨勢永遠係投資者嘅朋友，不妨搭轉順風車，阻力先睇1.1元。
維奧集團（01164）
阻力位：1.10元
支持位：0.88元