散戶避風險 寧炒即日鮮

一直持貨不過三日的散戶愛姐，因滙控（00005）和天行國際（00993）而做蟹，但無減她入市信心。她深明散戶不能和大戶鬥力，反而要智取，驚覺自己要「學精啲」，當大戶舞高弄低時，來一個「鷸蚌相爭，漁人得利」。她改變策略炒即日鮮，實行密食當三番。

愛姐坦言，最近和朋友集中研究數隻有實力，反彈力又強的股票，即日買賣。她透露上周五正在炒信義玻璃（00868）、江西銅業（00358）和金沙中國（01928）。

不過，愛姐對今日大市就有保留，所以於上周五收市前已即日沽出股票獲利。她說：「始終都反彈咗1,200點上嚟，個勢唔係話跌3,000點就升番3,000點，彈都無咁多啦！我始終覺得恒指一日未企穩18,000點，都仲有保留。」

元朗股神候終極一插

元朗股神曾錦安於過去幾次大跌市都無損手，皆因他一切小心為上。他指出，大市飄忽，波幅又大，「腳步唔穩，隨時跣低！」他稱，外圍環境仍未明朗，加上溫州全民舉債，「好大鑊」。因此，他睇淡後市，亦不建議散戶入市。由於深信假以時日，「終極一插」定必出現，所以他認為現時不是最佳的入貨時機，坦言連自己也未有在逆市中撈貨。

不過，他稱，若散戶堅持入市，則盡量短炒，有賺則先沽貨離場。由於睇淡後市，他於19,000點時買入幾隻認沽期權，惟上周後期股市反彈過千點，利潤收窄。

炒股甚有心得的林先生表示，已經在16,000點時撈貨，包括信義玻璃（00868）、工行（01398）等。上周五收市計，林先生也有可觀利潤。

他覺得大市開始回穩，認為大市已經見底，建議散戶可趁低吸納，於18,000點減持手頭上股票，再伺機入貨。