市場徐想：中國燃氣國策扶持
中國燃氣（00384）主要做天然氣業務，銷售管道燃氣、燃氣接駁服務、LPG、燃煤同埋一大堆氣體設備。
集團已經發展咗九年時間，依家已經喺近112個城市裏面有儲配站，覆蓋面都咪話唔大。今年度累計接駁嘅住宅用戶就有六百幾萬戶，比起上年增加25.7%，佔集團整體接駁用戶嘅33.4%。
市場發展空間龐大
依家成熟市場接駁率80%，遠遠高過中國燃氣嘅接駁率，可見市場仲有好大嘅發展空間！集團嘅壓縮天然氣加氣站，同期銷售都拎到10%以上嘅增幅；最重要係，車用壓縮天然氣銷量佔咗集團年天然氣銷量嘅8.5%，加埋國家政策會大量推行潔淨能源，中國燃氣業務有國策支持，喺依家立立亂嘅環境下，真係好過乜。
繼續追蹤、出發！