魚缸Blogger：南航盈利能力出眾
傳統智慧話跌市成交增，後市凶多吉少，港股上周五再跌243點，但成交亦升至近月罕見嘅972億元，睇住港股逐步行入熊市深淵，市場上總會有「末日博士」出嚟把脈，今次就睇萬二點！姑勿論準唔準，但心態上最緊要持盈保泰，穩守出擊。
雖然內地八月份航空貨郵周轉量下跌，但旅客周轉量仍有增長，加上環球經濟前景暗淡，外界自然睇好今年GDP預測仍有逾9%增長嘅中國內需市場，對於喺內地擁有最多內陸航線嘅南航（01055）最為有利，而南航今年上半年嘅盈利能力，亦係三大內航股中最強，賺27.62億元人民幣。
南航上周五失守近五個月支持3.55元後反彈，但近日大市快上快落，故目前只宜留意該支持承接再作部署，上面主要阻力就喺4蚊。
南方航空（01055）
阻力位：4.00元
支持位：3.55元