散戶抗跌自救術

大市現熊蹤，全城心慌慌。為求自保，散戶出盡法寶，總括而言，散戶用「四招」來力抗跌市。

第一招：少做少錯

散戶馬先生認為，現時恒指低處未算低，大市難以捉摸，因此「少做少錯，唔做就沒錯！」「依家掂親都損手呀！呢排落魚缸都係同其他人打吓牙骹，哭下股喪咁，大家都無乜點玩！」

第二招：玩即日鮮

樊小姐表示，「依家係危險期，一定唔玩牛熊證，費時一次被人殺晒！股票就玩即日鮮，炒吓波幅咁仲穩陣！」「十．一」將至，會「吼實」零售及濠賭股，繼續炒波幅，貪其「快上快落」！

第三招：候低撈貨

散戶Jason估計，恒指約有1,000點下跌空間，短期或有技術反彈，但大市「低處不算低」，寧願保留現金，實行「雙不政策」（不買不賣）。「歐洲唔知點，美國啲招無乜用，所以個市前景都唔明朗，依家儲番啲錢，等到終極低位先一次過入！」

第四招：齋儲人幣

散戶吳小姐表示，難以捉摸大市去向，現時「齋睇唔敢買」，計劃多投放資金作人民幣儲蓄，較穩陣之餘也可博升值。她說：「我不嬲都有儲開人仔，依家個市咁，真係寧願擺番多啲去人民幣存款嗰度啦！」