魚缸Blogger：歐舒丹支持位待觀察
尋日先講到恒指若失守三底支持，跌幅或以千點計，結果不幸言中，大市最多跌965點，收報17,911點，但歐美重陷經濟衰退的危機迫在眉睫，恐怕尋日嘅跌市只係開始，縱有反彈亦只宜趁高減持，謹記留得青山在，哪怕無柴燒！
市底疲弱，跌市奇葩寥寥可數。法國護膚品牌歐舒丹（00973），今個財年首季營業額按年升12%至1.82億歐元，就算日本地震，期內於當地的銷售仍錄得12%的升幅，加上集團承諾未來五年積極投資中國同俄羅斯等新興市場，有效分散歐美市場帶來嘅風險之餘，亦可受惠新興國家迅速擴張嘅內需消費市場。
歐舒丹尋日力挽狂瀾，平收16.68元，但市況不佳，宜先留意15.48元支持，跌穿此位可能要再尋底，向上主要阻力17.27元。
歐舒丹（00973）
阻力位：17.27元
支持位：15.48元