魚缸Blogger：中國木業橫行待變
雖然市傳中國擬買意大利債券，但歐債危機已病入膏肓，加上內地高通脹、經濟增長放緩問題持續，阿爺實難再好似○八年咁充當全球經濟嘅救世主；至於港股方面，18,868點以下幾乎無險可守，股友們惟有自求多福了！
本來從事砍伐林木嘅中國木業（00269），自獲李超人入股後聲名大噪，近月更發債投資內地首條重載高速公路，該條公路主要連接內蒙產煤區同內地東北主要工業區，一輛卡車每程收費要四千元（人民幣．下同），以每日設計流量達1萬架次計，打個七折，全年收入已達21億元。買股票最緊要有前景，加上內地煤炭需求不斷，該股喺近日跌市中實在值得望多兩眼。中國木業近日喺高台整固，0.3港元會係重要支持，阻力就喺0.35港元。
中國木業（00269）
阻力位：0.35元
支持位：0.30元