魚缸Blogger：中國電力穩陣可靠
港股繼上周五乍現島形頂後，尋日喺歐美雙底衰退嘅陰霾下，「再下一城」，接連失守10日及20日線，如果今個禮拜四奧巴馬嘅講話無料到，小心恒指隨時由雙底變雙頂，再試上月低位18,868點。
喺內地經營電廠嘅中國電力（02380），去年純利按年升50.7%至4.12億元人民幣，雖然內地煤價高企，令電企盈利受壓，但發改委近月已調升部分省份電價，加上電荒問題，令市場憧憬或重啟煤電聯動，將煤價同電價嘅升幅拉近，而國電市帳率僅0.59倍，低於同業近一倍的水平，喺波動市中自然具防守性。
國電尋日股價硬淨，逆市升1.2%，料站穩陣腳後有勢挑戰中期降軌，1.75元為初步阻力，支持位就喺1.64元。
中國電力（02380）
阻力位：1.75元
支持位：1.64元