期指攻略：好友不宜太心雄
隔晚道指升20點收市，港股昨日早段反覆，期指好友將據點退守至20,048點附近，上午市況在150點左右的波幅內完成。直到午後A股跌轉升，淡友開始節節敗退，期指升穿20,178點之後升勢加速，儘管歐洲開市期間，現貨升幅一度收窄至70點左右，惟基金八月結的因素，而MSCI指數幾個指數變動，令跟隨指數基金在尾市掃高幾隻重磅股，期指以接近全日高位作結，收20,455點，較合理值20,421點高出34點。
短期市況的確有回穩趨勢，但要提防各項技術指標由嚴重超賣回歸正常之後，指數愈近重要阻力位，例如第一道裂口阻力21,017點，或者22,808至18,868點跌浪的0.5反彈阻力20,838點，淡友都有機會展開頑抗，令即市波幅加劇。
兩個短期阻力，即22,808點至18,868點的0.382反彈位20,373點，以及八月中反彈高位20,504點升穿後，大市雙底形態可以確認，博大市繼續反彈，今日可以20,247點支持作為睇好睇淡的界線，跌穿止蝕，以逢低建好倉方式入市。
好友緊記，港股中期仍未改變一浪低於一浪形態，今次也可能是跌市中的一次反彈，最好控制注碼在平時的一半左右，不宜貪心，一旦市況逆轉要立即全身而退。
