魚缸Blogger：三一國際強勢持續
踏入九月，市場仍充斥不明朗因素，但喺憧憬伯老欲言又止嘅QE3之下，港股要重返二萬一樓上並非遙不可及。內地煤價上漲，對煤礦企業固然有利，但從事產銷採煤設備嘅三一國際（00631）亦受惠，今年中期純利就按年增長逾兩成，至4.15億元人民幣。由於目前內地採煤行業嘅機械化比率只有五成，所以「十二五」嘅煤炭同工程機械規劃，將會提出扶持採煤設備行業嘅政策，加上市傳母公司三一重工最快喺今個月底來港進行IPO，料三一國際股價能子憑母貴，繼續強勢。
儘管三一國際已連開兩支大陽燭，但有智慧不如趁勢，料首個阻力喺8.1元，支持位就喺7.4元。
三一國際（00631）
阻力位：8.1元
支持位：7.4元