魚缸Blogger：首都機場盈利有保證
花旗國推QE3甚囂塵上，港股尋日未出發先興奮，升388點，報19,875點，唔少前日被洗倉嘅股份亦收復失地，但股神愛股比亞迪（01211）就因績差暴跌14%，表現差強人意。
歐美經濟唔掂，美元、油價轉弱，間接令以人民幣為計價單位嘅內地航空公司成本下降，而內地人均收入上升，亦帶動航空運輸需求，所以作為全球客運人次第二高嘅首都機場（00694），今年頭七個月嘅旅客量及飛機起降架次都有唔錯增長，加埋集團發盈喜同內地高鐵發展急煞車，都令其盈利前景有保證。
首機近日上試頭肩底頸線阻力，加上即將公布業績，料阻力位可上移至4.1元，3.55元為初步支持。
首都機場（00694）
阻力位：4.10元
支持位：3.55元