市場徐想：揀股策略順應時勢
喺智能手機與平板電腦平地一聲雷之下，世界最大PC生產商惠普終於決定分拆或全部出售個人電腦業務部門，將發展重點重新放在軟件和雲端服務上。表面睇唔代表PC「走到末路」，但反映了隨着消費和企業行為模式上嘅轉變，PC真係冇前途。
另外，美國惠普還打算終止六月剛推出的平板電腦TouchPad，同埋佢哋希望用嚟殺出血路嘅webOS手機。
講真，惠普PC業務面對嘅係結構性樽頸問題，即係PC業務利潤微乎其微，出貨加上PC整體銷售增長乏力，激烈嘅市場競爭局限咗PC生產商盈利。同時，好多電腦已由桌面式轉為口袋流動裝置，令到後者更有空間同有利可圖。
Google收購「無得撈啦」已經宣告咗流動商貿正式開始，美國管理大師彼得杜拉克講過，二十一世紀企業嘅功能只有營銷同創新。呢兩樣嘢，已經喺Apple同Google身上得到驗證，所以，選股同樣都要用呢種思維模式開始，收到未呀？