魚缸Blogger：哈電基本因素不俗
除咗chok，都諗唔到點形容尋日恒指單日轉向再轉向，先升後跌再微升86點，收報19,486點，但早前強勢嘅水泥、賭業同金飾股，急瀉一成已經濕濕碎，成個市只係靠幾隻重磅股撐住。
魚缸兵荒馬亂，惟有還原基本步睇基本因素。哈爾濱電氣（01133），今年上半年純利按年升近30%，至5.77億元人民幣，至於佔收入逾六成嘅火電業務，就會繼續成為主要收入來源。喺內地電荒問題不斷、火電設備產量穩定上升同再生能源發展未成氣候下，作為火電行業龍頭嘅哈電最為受惠。
哈電往績市盈率僅約9倍，近日股價走勢亦見回穩，料初步支持喺7.6元，8.7元則為主要阻力。
哈電（01133）
阻力位：8.7元
支持位：7.6元