魚缸Blogger：亨得利偷步炒業績
內地加息預期升溫，市場又憂慮歐債危機死灰復燃，尋日恒指一度跌逾300點，惟最終仍力保二萬大關，收報20,016點，跌272點，不過水泥、珠寶等強勢股出現明顯調整，睇嚟後市走勢唔多靚仔。
內需概念炒極都唔完，加上副總理表示力谷內地服務業，尋日異動嘅亨得利（03389）可予留意。集團主要喺內地分銷國際中高檔品牌手錶，銷售點逾300個，而近排又夥拍明豐珠寶（00860）銷售珠寶，加上將受惠內地上調個人入息稅起徵點釋出嘅購買力，論牌面唔比其他金飾珠寶股輸蝕。
尋日亨得利成交股數較前日大升四倍，而集團又將喺下周二公布業績，不排除春江鴨聞風先動，守穩3.5元可留意，先睇3.9元，3.35元止蝕。
亨得利（03389）
目標價：3.90元
止蝕價：3.35元