魚缸Blogger：瑞年盈利有保證

恒指尋日向上挑戰10日線最終都係功虧一簣，收市跌48點，報20,212點，不過，尋日跌市成交增，加上德國第二季GDP按季僅增0.1%，小心今日大戶又向下炒。

Google天價收購摩記，刺激手機設備股急升，其中搵埋機械人幫手嘅富士康（02038）更一度大漲17%；而另一邊廂，副總理李克強一連三日訪港，相信股友最關心嘅係本港人民幣業務會否擴大，當中可留意隻中銀香港（02388）。

保健產品需求增

「擴內需、保增長」已成為中央推動經濟嘅重要綱領，而內地保健品市場持續高速增長，相信兼具內需同醫藥概念嘅瑞年國際（02010）最為受惠。集團主要喺內地產銷以氨基酸為主打嘅保健產品，並穩佔龍頭地位，去年盈利亦有較快增長，按年上升68%至3.52億元人民幣，加上集團亦力拓涼茶同美容氨基酸等產品以保持品牌活力，因此來年嘅盈利不難保持高速增長。

瑞年尋日喺成交增加帶動下，擺脫小雙底形態後持續向上，有勢回補早前遺留嘅下跌裂口，目標先睇3.8元，3元止蝕。

瑞年國際（02010）

目標價：3.8元 止蝕價：3.0元