市場徐想：港交所咪好做唔做
上星期，港交所（00388）披露易網頁被黑客用殭屍程式攻擊，搞到最後要七間公司突然停牌。正如李總話齋，公司停牌是個痛苦決定，有散戶甚至覺得港交所好心做壞事，一班散戶諗住透過市場嘅波動性從中獲利，偏偏正股停牌令相關衍生工具停下來，升市又唔可以放貨，跌市又輸錢。見到港交所搞成咁，危機意識相對薄弱，以為做咗一件好事，誰不知從來無睇清楚受影響朋友嘅真正需要。
港交所近期決定將公布訊息渠道多元化，例如一連三十日報紙刊登廣告，通知投資者邊間公司會有消息發布。喺資訊過分擴張年代，散戶要消化咁多資訊已非常吃力，淨係識不斷發公告，又一次「做咗等於冇做」，真係無計。
計我話港交所首先要有危機管理意識，又要有後備伺服器作支援，另外更加要深化與香港財經媒體結盟，將資訊透明度同實時度大大提升，咁香港金融市場嘅美譽先可維持同提升。