太子手記：港交所黑客報告火速趕起
尋日再冇「黑客」入侵港交所（00388）「披露易」網站，由於立法會財經事務委員會有意追究，港交所已趕起報告，尋晚交畀證監會。報告將會交代事件發生經過、停牌考慮、補救措施、事故原因、及保安設施等。
提早返工送早餐券
另外，明日將有重要人物到訪交易大堂，港交所尋日出咗個通告畀經紀行，要求交易大堂嘅出市員，聽日要穿着整齊上班衣服，又要提早返工（上午9點半前要進入交易大堂），同執拾好儲物櫃確保冇危險品同貴重物品。
交易所將會向各出市員送贈兩張早餐現金券，答謝佢哋嘅合作。今次送早餐現金券係加碼，以往只係送一張20元現金券。