魚缸Blogger：山水水泥 強勢再現

QE3仲未有着落，但花旗國維持超低息到後年中嘅消息，足以令恒指尋日一度重返二萬關樓上，不過，變幻原是永恒，作為紐倫港三大交易所嘅港交所（00388），午後因通告披露系統不穩而停牌，加上南北韓烽煙再起，令恒指最終僅升452點，報19,783點。

雖然尋日大市升勢頗為全面，但航運股就繼續無運行，而今晚美國將有就業數據公布，所以持倉上仍以不過夜為妙。

市值細容易炒上

曾經強勢嘅水泥股雖然受水泥價格升幅放緩，以及大市氣氛轉差而沉靜落嚟，但隨着行業旺季即將來臨，相信離股價重拾雄風嘅日子不遠。山水水泥（00691）係山東同遼寧嘅水泥龍頭生產商，去年業績已有較快增長，純利按年上升近四成至9.8億元人民幣，加上今年以來內地東部水泥企業嘅盈利增長唔錯，而水泥行業加快淘汰落後產能同大力興建保障房嘅國策，亦將會令集團受惠。

山水水泥最大嘅賣點係，市值細，但預測PE亦僅約九倍，容易炒上。該股尋日一度升穿50日線阻力，如能企穩喺9元關，相信股價有力再上。

山水水泥（00691）

目標價：10.5元 止蝕價：8.3元