晶門互網電視私隱大公開？
晶門科技（02878）尋日宣布入股咗一家專門生產互聯網電視所用晶片嘅公司C2 Microsystems Inc.，晶門業務營運副總裁張惠權即席展示配置咗晶片嘅互聯網電視各種功能。今次呢種新晶片賣點，係可以為電視安裝Android系統，一部電視就做晒睇電視、上網、睇碟、打機等功能，直情係將電腦同電視合二為一，仲有埋3D效果！
邊睇電視邊收短訊
不過，對佢哋尋日力銷嘅另一個重點，係互聯網電視可以為用戶帶嚟另一種生活方式，太子就有啲保留。佢哋就話有咗呢種互聯網電視，一家大細就可以一齊坐喺個廳度，一邊睇電視，一邊開住即時通訊軟件同親友討論。但係太子就諗，如果老竇同阿媽睇電視，阿女未曝光嘅honey忽然彈咗個情意綿綿嘅口訊出嚟，咁咪穿晒煲！
張惠權講述配置晶片的互網電視功能。