國金貴租按證想搬？
香港甲級商廈嘅呎價同租價不斷上升，尋日按揭證券公司就召開咗董事會，太子八到會上有討論按證辦公室嘅選址問題，話唔定會因為租金而搬辦公室。
首五月賺5.8億
按證租用緊國金二期嘅單位做辦公室，按證董事會就傾第時仲租唔租，定乾脆買番幾層物業嚟用，結果決議都係繼續租好過買。依家仲有好多金融機構排住隊租寫字樓，又要平又要靚，按證公司執董彭醒棠真係幾頭痛。
雖然租金升得厲害，不過佢哋都唔使太驚，皆因佢哋業績又有喜訊。據聞佢哋今年首五個月嘅稅前盈利賺多咗約9,000萬元，達到5.87億元，舊年就只得4.97億元，有18.1%增幅，就算國金二期勁加租，都有能力畀得起。