太子手記：周松堦拍心口 致富資金無問題
嘩！邊個咁衰周圍發放假消息呀？太子收到風，市場上有人亂咁唱，話致富集團出現資金周轉問題，搞到致富好多客戶驚到震騰騰，除咗有人打電話去致富搞清楚件事之餘，有人仲話要即刻拎錢閃人喎！
被人中傷 報警調查
不過，致富集團主席周松堦就拍晒心口咁話：「公司一啲資金問題都無，客戶嘅資產百分百咁安全，係有啲人亂咁講嘢去中傷我哋，依家我哋已經報咗警，警方會查得一清二楚，所以客戶唔使擔心。」
去年致富不斷擴充分行數目，啱啱又搵咗中國人民大學風險投資研究中心主任劉曼虹教授加盟，以協助公司業務發展。致富咁多新搞作，太子就唔信佢哋會有問題喇！大家放心喇！