太子手記：曼聯搵保薦明益高盛
「紅魔鬼」曼聯研究嚟香港上市，太子最關心係邊間投行會做佢哋保薦人。老友賓卡話梗係高盛啦！
老友話投行界聽到，曼聯嘅美國班主格拉沙家族（The Glazer family），已搵咗高盛負責遴選保薦同承銷團隊。
格拉沙家族話明，曼聯會參考Prada喺香港嘅招股反應，而高盛正是Prada嘅保薦人。高盛資產管理主席奧尼爾，曾經想買起曼聯但失敗，但據聞都好希望睇到曼聯證券化。
猶太文化同聲同氣
格拉沙係美籍猶太人，而高盛係由知名猶太人創辦嘅最賺錢投行，猶太人性格梗係益吓鄉里齊搵街外錢。