太子手記:傅總幫中石化雪恥

喺中海油(00883)做咗三十年嘅掌舵人傅成玉近期到中石化(00386)母公司上任,隨即碰到多個「天價」嘅燙手山芋,搞到擅與傳媒打交道嘅傅總忙個不亦樂乎,中海油與中石化雖然同列內地油企三甲,但中石化多年嘅營收高出中海油1,500億美元,管理平台較大,傅總應有一展所長嘅機會。

由「天價酒店」、「天價酒」及「天價吊燈」一連串事件,傅總對中石化集團內部嘅工作會議上有感而發,佢話「事件對中石化乃至國企嘅形象造成嚴重傷害,一個人嘅行為導致上百萬人嘅恥辱。」

勢整頓豪奢歪風

傅總講得一點都唔誇張,內地貧富懸殊,國企豪奢亂使錢,幾支天價紅酒飲咗13.11萬元,好多人一年收入都無咁多,五星級天價酒店有「800畝森林公園」,集團新大樓一盞吊燈買咗1,200萬元,搞到天怒人怨,睇嚟傅總上任後要改歪風,為管理帶來新鮮空氣,傅總有排辛苦。

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

傅成玉將為中石化管理帶來一股新鮮空氣。(資料圖片)