太子手記：渣打日本賑災全球動員
日本大地震造成逾萬人死亡，餘震頻頻加上核危機仍未解決，仲要升級至最高級別嘅第7級，情況令全球擔憂，世界各地熱心人士紛紛以行動支援救災。渣打內部亦發起賑災捐款活動，員工喺三星期之內籌咗25萬美元，該行將會進行配對捐出同等善款。
出錢出力為災民打氣
作為跨國銀行，渣打業務遍及全球，喺亞洲好多地區亦有業務，扎根香港逾150年，喺日本都有超過130年歷史，除咗呼籲全球員工有錢出錢，捐款賑災之外，仲計劃喺未來幾個月，動員該行義工到日本為災民打氣，為日本中至長期援助計劃出一分力。
非牟利組織仁人家園計劃協助日本災後救援工作，估計有關工程為期兩年，因此須籌集資金支持計劃，為咗方便善心人士捐款，渣打為仁人家園嘅日本救災籌款開立公眾捐款戶口，號碼為429-0-017098-7。太子希望，當地幸存居民振作，盡快重建家園。
扎根香港逾百年的渣打，呼籲全球員工為日本賑災。圖為渣打香港行政總裁洪丕正。（資料圖片）