短炒倉：英皇鐘錶炒風再起

清明假期前夕，一眾本地零售股顯著做好，其中景福（00280）單日勁升三成，威盡全場，其他珠寶金飾股表現亦唔失禮，英皇鐘錶珠寶（00887）升9.4%，六福（00590）升7.2%。

零售股勁升，原因係旅發局公布，去年訪港旅客人數逾3,600萬人次，按年增長21%，而旅客消費總額接近2,100億元，創歷史新高所致。不過志強覺得，訪港旅客消費創新高其實只係藉口，零售股勁升，主要都係因為去年下半年大炒一輪後，已回落咗好一段時間，消化完成，於是又再炒過，何況彤叔嘅周大福正計劃上市，亦係帶動珠寶金飾股炒風嘅原因。

盈利倒退非戰之罪

英皇鐘錶舊年十一月升到1.38元後見頂回落，上月中最低見0.83元，調整幅度達四成，周一收報1.04元。雖然集團去年度全年盈利呈倒退，但主要是可換股債券及認股證公平值調整所致，未來集團將進一步擴展內地零售網絡，並將拓展二線及三線城市市場，前景樂觀，建議於1元水平跟進，短線目標睇1.2元，止蝕0.92元。

英皇鐘錶珠寶（00887）目標價：1.20元 止蝕價：0.92元