金牌AE：華耐值得趁低吸納

華耐控股（01020）股價由一月底嘅高位1.95元回落，每跌至1.4元水平後，即見有強力支持，上周五收1.42元，累計跌幅已達27%，不妨趁低吸納，目標價2元。

華耐係內地鋼水控流產品主要製造商之一，鋼水控流產品係煉鋼過程中必需嘅設備，用於保護、控制同調節鋼水流量同速度，屬「高端」產品，由於行業入門門檻較高，因此毛利率亦甚高。

擁行業龍頭優勢

去年內地經濟持續向好，對集團旗下產品需求大增，令集團去年上半年營業額大增2.3倍至1.75億元（人民幣．下同），盈利亦大增2.1倍至7,008萬元。保守估計，去年全年盈利1.55億元，每股獲利0.129元（約0.153港元）。預期市盈率只有9.3倍，就算以目標價2元計，亦僅十三倍。

華耐為應付市場需求以及國內外新客戶嘅定單，目前正興建一座新廠房，預計可於今年底落成投產，新增產能可達8,600噸，令集團嘅年產能達1.68萬噸，進身內地鋼水控流產品龍頭地位。

華耐控股（01020）目標價：2.0元 止蝕價：1.3元